పాఠశాలలో కలకలం సృష్టిస్తోన్న 9వ తరగతి విద్యార్థిని ఆత్మహత్య..

దిశ, సంగారెడ్డి : 9వ తరగతి చదువుతున్న విద్యార్థిని ఆత్మహత్య చేసుకున్న సంఘటన వెలుగులోకి వచ్చింది. సంగారెడ్డి మండల పరిధిలోని కోతిలాపూర్ గ్రామంలో గల మహాత్మా జ్యోతిబాపూలే గురుకుల పాఠశాలలో 9వ తరగతి చదువుతున్న స్వాతి (14) తన చున్నీతో శనివారం ఉరి వేసుకుని ఆత్మహత్యకు పాల్పడింది. విషయం తెలుసుకున్న పాఠశాల ఉపాధ్యాయులు, తోటి విద్యార్థినులు పోలీసులకు ఫిర్యాదు చేశారు. గురుకుల పాఠశాలకు చేరుకున్న పోలీసులు ఆమె ఆత్మహత్యకు గల కారణాలను విశ్లేషిస్తున్నారు. ఇంకా పూర్తి సమాచారం తెలియాల్సి ఉంది.