వెంకట్యాతండాలో ఘోర రోడ్డు ప్రమాదం.. ఐదుగురికి తీవ్ర గాయాలు..

దిశ, టేకులపల్లి : అతి వేగంగా వెళుతున్న కారు అదుపుతప్పి సింగరేణి వాహనాన్ని ఢీ కొట్టింది. ఈ ఘటనలో కారులో ప్రయాణిస్తున్న ఐదుగురికి తీవ్ర గాయాలయ్యాయి. హైదరాబాద్ కు చెందిన రోహిత్, కిరణ్, కీర్తి, ప్రవళిక, దీప్తి కలిసి హైదరాబాద్ నుంచి భద్రాచలం వెళ్తున్నారు. మండల పరిధిలోని వెంకట్యాతండా మూల మలుపు వద్ద ఎదురుగా వస్తున్న సింగరేణి వాహనాన్ని అతివేగంతో ఢీ కొనడంతో కారులో ప్రయాణిస్తున్న వీరందరికీ తీవ్ర గాయాలయ్యాయి. డ్రైవర్ రోహిత్ పరిస్థితి విషమంగా ఉంది. టేకులపల్లి ఎస్సై పోగుల సురేష్ ఘటనా స్థలానికి చేరుకుని క్షతగాత్రులను 108 అంబులెన్స్ లో కొత్తగూడెం ప్రభుత్వ ఆసుపత్రికి తరలించారు.