కారు, బైక్ ఢీ.. ఒకరి పరిస్థితి విషమం..

దిశ, కోదాడ : కారు బైక్ ఢీకొని ఒకరికి తీవ్ర గాయాలు అయిన సంఘటన కోదాడ మండల పరిధిలోని కొమరబండ జాతీయ రహదారి పై శనివారం చోటుచేసుకుంది. స్థానికులు తెలిపిన వివరాల ప్రకారం మునగాల మండలం బరకత్ గూడెం గ్రామానికి చెందిన శీలం వీరబాబు ప్లంబర్ వర్క్ చేస్తుంటారు. పని నిమిత్తం తన ద్విచక్ర వాహనం పై మరొక వ్యక్తితో కోదాడకు వస్తుండగా వెనక నుండి కారు ఢీ కొట్టడంతో తీవ్ర గాయాలయ్యాయి. స్థానికులు 108 సమాచారం ఇవ్వడంతో గాయాలైన వ్యక్తిని కోదాడ ప్రభుత్వ వైద్యశాలకు తరలించారు. డాక్టర్లు పరిస్థితి విషమంగా ఉందని తెలపడంతో మెరుగైన వైద్యం కోసం ఖమ్మంలోని ఓ ప్రైవేటు వైద్యశాలకు తీసుకువెళ్లారు.