ద్విచక్ర వాహనం ఢీకొని వృద్ధుడు మృతి

దిశ, దుగ్గొండి: ద్విచక్ర వాహనం ఢీకొని వృద్ధుడు మృతి చెందాడు. ఈ ఘటన ఆదివారం దుగ్గొండి మండలంలోని గిర్ని బావి వద్ద వరంగల్ నర్సంపేట ప్రధాన రహదారిపై చోటు చేసుకుంది. స్థానికులు తెలిపిన వివరాల ప్రకారం.. నర్సంపేట మండలం ముత్తోజిపేట గ్రామానికి చెందిన బొల్ల ఐలయ్య (60) గిర్నిబావి లోని తన కుమార్తె ఇంటికి వచ్చి ప్రధాన రహదారి వెంట నడుచుకుంటూ వెళ్తున్నాడు. అతివేగంగా వచ్చిన ద్విచక్ర వాహనం ఐలయ్యను బలంగా ఢీకొనడంతో తీవ్ర గాయాలు కావడంతో చికిత్స నిమిత్తం 108 వాహనంలో ఎంజీఎం ఆస్పత్రికి తరలించగా చికిత్స పొందుతూ మృతి చెందాడు.