Siddipet: మాజీ ఎమ్మెల్యే కన్నుమూత.. హరీష్ రావు సంతాపం

దిశ, వెబ్‌డెస్క్: తెలంగాణ రాజకీయాల్లో తీవ్ర విషాదం చోటుచేసుకుంది. మాజీ ఎమ్మెల్యే డి.రామచంద్రా రెడ్డి(D.Ramachandra Reddy) కన్నమూశారు. గతకొంతకాలంగా అనారోగ్యంతో బాధపడుతున్న ఆయన.. హైదరాబాద్‌లోని ఓ ప్రయివేట్ ఆసుపత్రిలో చికిత్స పొందుతూ ఆదివారం రాత్రి తుదిశ్వాస విడిచారు. 1985లో దోమ్మాట నియోజకవర్గం(ప్రస్తుత దుబ్బాక నియోజకవర్గం) నుంచి తెలుగుదేశం పార్టీ తరపున ఎమ్మెల్యేగా గెలుపొందారు.

ఆయన మృతిపట్ల బీఆర్ఎస్(BRS) నేత, సిద్దిపేట ఎమ్మెల్యే హరీష్ రావు సంతాపం ప్రకటించారు. ఆయన సేవలు నేటితరం రాజకీయ నాయకులకు స్ఫూర్తి అని కొనియాడారు. ఎమ్మెల్యే అయినా తన తుదిశ్వాస వరకు సాధారణ జీవితాన్ని గడిపారని, ప్రజాసేవకు పరితపించారని, తన సేవలు నియోజకవర్గ ప్రజల్లో చిరస్థాయిగా నిలుస్తాయన్నారు. వారి కుటుంబానికి ప్రగాఢ సానుభూతిని తెలియజేశారు. రామచంద్రారెడ్డి మాజీ సీఎం కేసీఆర్‌కు సమకాలికుడు కావడం గమనార్హం. ఆయనకు ఇద్దరు కూతురుర్లు ఉన్నారు.