దిశ, సిద్దిపేట ప్రతినిధి: కరెంట్ టవర్ ఎక్కి యువకుడు ఆత్మహత్యాయత్నానికి ప్రయత్నించిన సంఘటన సిద్దిపేట ముస్తాబాద్ చౌరస్తా లో చోటు చేసుకుంది. స్థానికులు తెలిపిన వివరాల ప్రకారం.. సిద్దిపేట రూరల్ మండలం చిన్న గుండవెల్లి గ్రామానికి చెందిన గద్దల కుమార స్వామి కుటుంబ కలహాలు, వ్యక్తిగత కారణాలతో సిద్దిపేట ముస్తాబాద్ చౌరస్తా వద్ద గల కరెంట్ టవర్ ఎక్కాడు. విషయం గమనించిన స్థానికులు పోలీసులకు సమాచారం అందించడంతో యువకుడిని కరెంట్ టవర్ నుంచి దింపి వన్ టౌన్ పోలీస్ స్టేషన్ కు తరలించారు. కాగా గద్దల కుమార స్వామి గత నెల 11న మద్యం మత్తులో ముస్తాబాద్ చౌరస్తా వద్ద గల హోర్డింగ్ ఎక్కి ఆత్మహత్యాయత్నం చేశాడు.