కుల గణన సర్వే డేటా ఎంట్రీ లో తప్పులు దొర్లద్దు : అడిషనల్ కలెక్టర్

దిశ, మిరుదొడ్డి : సిద్దిపేట జిల్లా మిరుదొడ్డి, తోగుట మండల కేంద్రాలలో జిల్లా అదనపు కలెక్టర్ అబ్దుల్ హమీద్ పర్యటించారు. పర్యటనలో భాగంగా ప్రభుత్వం ప్రతిష్టాత్మకంగా చేపట్టిన కుల గణన సర్వే డేటా ఎంట్రీ ప్రక్రియను పరిశీలించారు. తప్పులు దొర్లకుండా నమోదు చేయాలని అధికారులను ఆదేశించారు. అలాగే తోగుట మండలం వెంకట్రావుపేట గ్రామంలోని 134, 135 పోలింగ్ బూతులను సందర్శించి ఓటర్ నమోదు కార్యక్రమాన్ని పరిశీలించారు. మిరుదొడ్డి మండల కేంద్రంలోని కస్తూర్బా గాంధీ బాలికల పాఠశాలలో వసతులను, విద్యార్థులకు మెనూ ప్రకారం భోజనం అందించాలని సూచించారు. ఈ కార్యక్రమంలో ఆయా మండలాల తహసీల్దార్ లు, ఎంపీడీవో లు పాల్గొన్నారు.