‘దిశ’ కథనానికి స్పందన..పుష్కర ఘాట్లను శుభ్రం చేయించిన ఆలయ ఈవో

దిశ, అలంపూర్: దిశ కథనానికి ఆలయ ఈవో పురేందర్ స్పందించారు. జోగులాంబ బాల బ్రహ్మేశ్వర ఆలయంలో తుంగభద్ర నది పరివాహ ప్రాంతంలో అపరిశుభ్రంగా పుష్కర ఘాట్లు-భక్తులకు పుణ్యస్నానాలు చేయుటకు ఇక్కట్లు అనే కథనానికి ఆలయ ఈవో పురేందర్ స్పందించారు. పుష్కర ఘాట్లపై చెత్త చెదారం, పేరుకుపోయిన మట్టిని వెనువెంటనే తొలగించారు. కార్తీక దీపారాధన, తుంగభద్ర నదిలో పుణ్యస్నానాలు చేయుటకు భక్తులకు ఎలాంటి ఇబ్బందులు తలెత్తకుండా చూస్తామని ఈవో పురేందర్ అన్నారు.