200 మీటర్ల భారీ జాతీయ జెండాతో ర్యాలీ

దిశ, అచ్చంపేట : 78 వ స్వాతంత్ర దినోత్సవ వేడుకల్లో అచ్చంపేట పట్టణంలో ప్రభుత్వ ప్రైవేటు కార్యాలయం వద్ద జాతీయ జెండా ఎగరవేయడంతో ఆకాశంలో రెపరెపలాడింది. ఎమ్మెల్యే క్యాంపు కార్యాలయంలో జాతీయ జెండా ఆవిష్కరించిన డాక్టర్ వంశీకృష్ణ తదుపరి కాంగ్రెస్ పార్టీ నాయకులు అభిమానులతో కలిసి ఏర్పాటుచేసిన రెండు వందల మీటర్ల జాతీయ జెండా తో ర్యాలీ నిర్వహించిన కార్యక్రమంలో ఎమ్మెల్యే పాల్గొని జాతీయతను చాటుకున్నారు. అనంతరం అంబేద్కర్ విగ్రహానికి పూలమాలవేసి నివాళులు అర్పించారు. అలాగే జిఎస్ఎన్ స్కూల్ విద్యార్థులు 100 మీటర్ల జాతీయ జెండాతో ప్రభాతభేరి లో పాల్గొన్నారు. ఈ కార్యక్రమంలో మున్సిపల్ చైర్మన్ గార్లపాటి శ్రీనివాసులు, డీఎస్పీ పల్లె శ్రీనివాసులు, తదితరులు పాల్గొన్నారు. పట్టణంలో ప్రభుత్వ ప్రైవేటు పాఠశాలల విద్యార్థులు ప్రభాతభేరి నిర్వహిస్తూ జాతీయ నాయకుల వేషధారణలో విద్యార్థులు పలువురిని ఆకట్టుకున్నారు.