దారుణం.. బాలికపై 65 ఏళ్ల వృద్ధుడు అత్యాచారం..ఆలస్యంగా వెలుగులోకి

దిశ,నాగర్ కర్నూల్/తిమ్మాజిపేట : ఓ బాలికపై 65 ఏళ్ల వృద్ధుడు అత్యాచార అఘాయిత్యానికి పాల్పడ్డాడు. ఈ ఘటన నాగర్ కర్నూల్ జిల్లా తిమ్మాజీపేట మండలంలోని ఓ గ్రామంలో చోటుచేసుకుంది. సీఐ కనకయ్య తెలిపిన వివరాలు.. మండలంలోని ఓ గ్రామానికి చెందిన 10 ఏళ్ల బాలిక అక్టోబర్ 30న ఇంటి ముందు ఆడుకుంటుండగా అదే గ్రామానికి చెందిన వృద్ధుడు ఇంట్లోకి పిలిచి మభ్యపెట్టి అత్యాచారానికి ఒడిగట్టాడు. ఆలస్యంగా గుర్తించిన సదరు బాలిక తల్లిదండ్రులు శుక్రవారం రాత్రి తిమ్మాజిపేట పోలీసులకు ఫిర్యాదు చేశారు. కేసు నమోదు చేసుకుని దర్యాప్తు చేస్తున్నామని సీఐ తెలిపారు.