బాలాపూర్ చౌరస్తాలో భారీ అగ్నిప్రమాదం..

దిశ, మీర్ పేట్ : బాలాపూర్ చౌరస్తా లోని శ్రీ రామ ఏసీ, రిఫ్రిజిరేటర్ సేల్స్ అండ్ ఎలక్ట్రానిక్ షాప్ లో సోమవారం అర్ధరాత్రి భారీ అగ్ని ప్రమాదం జరిగింది. ఆ షాపులో మంటలు గమనించిన చుట్టుపక్కల స్థానికులు ఫైర్ సిబ్బందికి సమాచారం అందించడంతో అక్కడికి చేరుకొని మంటలు అదుపులోకి తెచ్చారు. షాప్ లో ఉన్న పాత ఏసీలు, ఎలక్ట్రానిక్ పరికరాలు పూర్తిగా దగ్ధమయ్యాయి. షాప్ యజమాని ప్రసాద్ ఫిర్యాదు మేరకు కేసునమోదు చేసుకుని మీర్ పేట్ పోలీసులు దర్యాప్తు చేస్తున్నారు.