రంగనాయక స్వామి కోనేరు పూడ్చివేత పై ఎంపీ డీకే అరుణ ఫైర్

దిశ ప్రతినిధి, మహబూబ్ నగర్ : జడ్చర్ల పెద్ద గుట్ట పై ఉన్న రంగనాయక స్వామి దేవాలయం కోనేరును ఎలాంటి అనుమతులు లేకుండా ఎలా పూడ్చి వేస్తారని మహబూబ్ నగర్ పార్లమెంటు సభ్యురాలు డీకే అరుణ ఫైర్ అయ్యారు. ఈ సంఘటన పై ఆదివారం ఆమె 'దిశ' తో ఫోన్ లో మాట్లాడుతూ జడ్చర్ల సీఐ ఆదిరెడ్డికి ఫోన్ చేసి ఆరా తీశానని, నిబంధనలకు విరుద్ధంగా పూడ్చివేత పై సమగ్ర విచారణ జరిపించి, ఈ వ్యవహారంతో సంబంధమున్న ఎంతటివారినైనా వదలోద్దని ఆదేశించినట్లు ఆమె తెలిపారు. ఇలాంటి సంఘటనలు పునరావృతం కాకుండా దోషులను శిక్షించాలని, హిందువుల మనోభావాలను కించపరిస్తే చూస్తూ ఊరుకునేది లేదని ఆమె హెచ్చరించారు.