అడుగడుగునా ప్రజలు ఆదరిస్తున్నారు.. కాంగ్రెస్ అభ్యర్థి సంపత్

దిశ, అలంపూర్ : సోనియమ్మ ప్రకటించిన ఆరు గ్యారెంటీలతోనే కాంగ్రెస్ ప్రచారం కొనసాగిస్తున్నామని కాంగ్రెస్ అభ్యర్థి మాజీ ఎమ్మెల్యే సంపత్ కుమార్ అన్నారు. ఎన్నికల ప్రచారంలో భాగంగా మానవపాడు మండల పరిధిలోని చండూరు బోరవెల్లి గ్రామాల్లో కాంగ్రెస్ ప్రచారాన్ని ముమ్మరం చేశారు. అడుగడుగునా ప్రజలు బ్రహ్మరథం పడుతున్నారని, ప్రతి గడపని తడుతూ.. ప్రజలకు అందిస్తున్న సేవల పై అవగాహన కల్పిస్తున్నామని సంపత్ కుమార్ చెప్పుకొచ్చారు.

కేసీఆర్ కుటుంబ పాలన దొరల పెత్తందారుల దౌర్జన్యాన్ని అరికట్టుటకు కేవలం కాంగ్రెస్ పార్టీతో సాధ్యమని.. రాబోయే ఎన్నికల్లో కాంగ్రెస్ పార్టీ భారీ విజయాన్ని సాధించి అలంపూర్ గడ్డపై మరోసారి కాంగ్రెస్ జెండాను ఎగరవేస్తామన్నారు. ప్రచారంలో కాంగ్రెస్ మండల నాయకులు పెద్దలు తదితరులు ఉన్నారు.