చంద్రయాన్ 3 సక్సెస్​తో విజయోత్సవ ర్యాలీ

దిశ, ఇల్లందు : చంద్రయాన్ 3 విజయంపై మార్గదర్శి గ్రూప్ ఆఫ్ స్కూల్స్ ఆధ్వర్యంలో ఇల్లందు పట్టణంలోని ఆమ్ బజార్, పాత బస్టాండ్, జగదాంబ సెంటర్లలో భారీ ర్యాలీ నిర్వహించి జాతీయ పతాకాలతో జయహో భారత్ అంటూ విద్యార్థుల కేరింతలతో భారీ ర్యాలీ నిర్వహించారు. ఈ కార్యక్రమానికి ముఖ్య అతిథిగా పాల్గొన్న మున్సిపల్ చైర్మన్ దమ్మలపాటి వెంకటేశ్వరరావు మాట్లాడుతూ చంద్రుని దక్షిణ ధ్రువం పై ఇస్రో చంద్రయాన్ 3 విజయవంతంగా ప్రయోగించినందుకు శాస్త్రవేత్తలందరికీ శుభాకాంక్షలు తెలిపారు. చంద్రుని పై ప్రయోగాలు చేసిన దేశాలలో అమెరికా, రష్యా, చైనా దేశాలకు దీటుగా భారతదేశం చంద్రునిపై అడుగుపెట్టి అగ్ర రాజ్యాల సరసన నిలిచిందన్నారు. ఈ కార్యక్రమంలో మార్గదర్శి విద్యా సంస్థల డైరెక్టర్లు అర్వపల్లి రాధాకృష్ణ, రాంబాబు తదితరులు పాల్గొన్నారు.