Tractor driver : ఫిట్స్ తో ట్రాక్టర్ డ్రైవర్ మృతి..

దిశ, తిరుమలాయపాలెం : కరిగటి మడి దున్నుతుండంగా ఫీట్స్ రావడంతో ట్రాక్టర్ డ్రైవర్ మృతి చెందిన ఘటన ఆదివారం మండలంలోని బచ్చోడు గ్రామంలో చోటుచేసుకుంది. స్థానికులు తెలిపిన వివరాల ప్రకారం మండలంలోని బచ్చోడు గ్రామానికి చెందిన కుమ్మరికుంట్ల సైదులు (40), ట్రాక్టర్ డ్రైవర్ గా పని చేస్తూ జీవనం సాగిస్తున్నారు.

సైదులు నడిపేట్రాక్టర్ ఓనర్ కు చెందిన, పొలంలో కరిగటి మడి దున్నుతున్నాడు. ప్రమాదవశాత్తు ఫీట్స్ (మూర్చ) రావడంతో బురద మడిలో పడిపోయి అక్కడిక్కడే మృతి చెందాడు. సమాచారం అందుకున్న ఎస్సై గిరిధర్ రెడ్డి తన సిబ్బందితో వెళ్లి, ఘటనకు సంబంధించిన వివరాలు సేకరించారు. అనంతరం పోస్టుమార్టం నిమిత్తం మృతదేహాన్ని, ఖమ్మం పెద్ద ఆసుపత్రికి తరలించారు. మృతుడికి భార్య రమ, కొడుకు, కూతురు ఉన్నారని తెలిపారు.