రేపు ఉమ్మడి ఖమ్మం జిల్లాలో కేటీఆర్ పర్యటన

దిశ, ఖమ్మం : ఖమ్మం-నల్గొండ-వరంగల్ పట్టభద్రుల నియోజకవర్గ బీఆర్ఎస్ పార్టీ అభ్యర్థి ఏనుగుల రాకేష్ రెడ్డి విజయాన్ని కాంక్షిస్తూ బీఆర్ఎస్ పార్టీ వర్కింగ్ ప్రెసిడెంట్ కేటీఆర్ సోమవారం ఉమ్మడి ఖమ్మం జిల్లాలో విస్తృతంగా పర్యటించనున్నారు. ఉదయం 8 గంటలకు హైదరాబాద్ నుంచి రోడ్ మార్గం ద్వారా బయలుదేరి 10 గంటలకు భద్రాద్రి కొత్తగూడెం జిల్లాలోని ఇల్లందుకు చేరుకుంటారు. ఇల్లందు సింగరేణి జేకే గ్రౌండ్స్ లో జరిగే పట్టభద్రుల ఓటర్ల సమావేశంలో పాల్గొంటారు.

    అక్కడి నుంచి బయలుదేరి కొత్తగూడానికి మధ్యాహ్నం 12 గంటలకు చేరుకుంటారు. కొత్తగూడెం క్లబ్ లో జరిగే నియోజకవర్గ పట్టభద్రుల ఓటర్ల సమావేశంలో పాల్గొని ప్రసంగిస్తారు. సాయంత్రం 4 గంటలకు ఖమ్మం చేరుకుంటారు. ఖమ్మం నగరంలోని ఎస్బిఐటీ కాలేజ్ లో జరిగే ఖమ్మం నియోజక వర్గానికి సంబంధించిన పట్టభద్రుల ఓటర్ల సమావేశంలో పాల్గొని దిశా నిర్దేశం చేస్తారు. ఖమ్మంలో సమావేశం అనంతరం ఖమ్మం మీదుగా హైదరాబాద్ చేరుకుంటారు.