మధిర సభ సక్సెస్ పట్ల కృష్ణ చైతన్య హర్షం

దిశ బ్యూరో, ఖమ్మం : మధిరలో మంగళవారం జరిగిన కేసీఆర్ ఆశీర్వాద సభ సక్సెస్ కావడం పట్ల యువజన విభాగం అధ్యక్షుడు చింతనిప్పు కృష్ణ చైతన్య హర్షం వ్యక్తం చేయడంతో పాటు సహకరించిన వారందరికీ ధన్యవాదాలు తెలిపారు. మధిరలో సీఎం కేసీఆర్ ప్రజా ఆశీర్వాద సభ జరిగిన విషయం తెలిసిందే. అయితే ఈ సభ నిర్వహణలో జిల్లా యువజన విభాగం అధ్యక్షుడు చింతనిప్పు కృష్ణచైతన్య నిర్వహణ బాధ్యత తీసుకున్నారు. మధర అభ్యర్థి లింగాల కమల్ రాజ్ సహా కృష్ణ చైత్యన సభ ఏర్పాట్లు మొదటి నుంచీ దగ్గరుండి పర్యవేక్షించడంతో పాటు జన సమీకరణ బాధ్యతను సైతం తీసుకున్నారు. స్టేజీ ఏర్పాట్లు, జన పర్యవేక్షణతో పాటు మీటింగ్ కు సంబంధించి ఏర్పాట్లు చేయడం మొదలు నేతలను కోఆర్డినేట్ చేసే బాధ్యతల్ని అన్నీ దగ్గరుండి చూసుకున్నారు. కేసీఆర్ తో సన్నిహిత సంబంధం ఉండడంతో పాటు జిల్లా యూత్ అధ్యక్షుడిగా ఉండడంతో చింతనిప్పు సభ ఏర్పాట్లు చూసుకున్నారు.