కేసీఆర్ కు రామయ్యను దర్శించుకునే తీరిక లేదా..?

దిశ, భద్రాచలం : భద్రాచలం ప్రాంతానికి పది కిలోమీటర్ల దూరంలో ఎన్నికల సభకు వస్తావ్, రామయ్యను దర్శించుకోవాలన్న సోయలేదా కేసీఆర్ అని భద్రాచలం ఎమ్మెల్యే పొదేం వీరయ్య ప్రశ్నించారు. భద్రాచలానికి వస్తే.. భద్రాచల రామయ్యకు, ప్రజలకు ఇచ్చిన హామీల గురించి, భద్రాచలం ప్రజలు గల్లాపట్టి నిలదీస్తారన్న భయమా ? అని అన్నారు. దక్షిణ అయోధ్య అయిన భద్రాచలం ప్రాంతం అంటే నీకెందుకు అంత చిన్నచూపు, గత 15 రోజుల్లో మూడుసార్లు జిల్లా పర్యటనకు వచ్చిన నీకు రామయ్యను దర్శించుకోవడానికి సమయం లేదా అని ప్రశ్నించారు.