రామయ్య నిజరూప దర్శనం

దిశ, భద్రాచలం : భద్రాచలం శ్రీసితారామచంద్ర స్వామి వారి దేవస్థానంలో వైకుంఠ ఏకాదశి అధ్యయనోత్సవాలలో భాగంగా శ్రీ స్వామి వారు నిజ రూపమైన భద్రాద్రి రా ముని రూపంలో భక్తులకు దర్శనం ఇచ్చారు. శ్రీరామావతారంలో ఉన్న రామయ్యను వేలాది మంది భక్తులు దర్శించుకుని ప్రత్యేక పూజలు నిర్వహించారు. సాయంత్రం స్వామి వారికి మేళతాళాలు, మంగళ వాయుద్యాలు, వేద మంత్రాలు, భక్తుల కోలాటాల నడుమ రాజ వీధిలో తిరువీధి సేవ నిర్వహించారు. స్వామి వారికి భక్తులు మంగళ హారతులతో నీరాజనాలు పలికారు.