కర్ణాటక ఎలక్షన్స్ : కాంగ్రెస్ మరో సంచలన హామీ

దిశ, డైనమిక్ బ్యూరో: కర్ణాటక ఎన్నికల్లో కాంగ్రెస్ పార్టీ హామీల వర్షం కురిపిస్తోంది. ఇప్పటికే ఎన్నికల ప్రచారంలో దూసుకుపోతున్న ఆ పార్టీ కొత్త కొత్త హామీలు ఇస్తోంది. తాజాగా మరో సంచలనం వైపు అడుగులేసింది. తాము అధికారంలోకి అంగన్ వాడీ, ఆశా వర్కర్ల జీతం పెంచుతామని ప్రకటించింది. అంగన్ వాడీల్లో పని చేసే మహిళలకు నెలకు రూ.15 వేలు గౌరవ వేతంగా ఇస్తామని తెలిపింది.

మినీ అంగన్ వాడీల్లో పని చేసే మహిళలకు రూ.10 వేలు, ఆశాలో పని చేస్తున్న మహిళలకు రూ.8 వేలు, మధ్యాహ్న భోజన పథకంలో పని చేసే మహిళలకు రూ. 5 వేలు ఇస్తామని స్పష్టం చేసింది. అలాగే అంగన్ వాడీలో పని చేసే మహిళలకు పదవీ విరమణ లేదా అకాల మరణంపై సంభవిస్తే రూ.3 లక్షల ఇస్తామని హామీ ఇచ్చింది. అటు మినీ అంగన్ వాడీలో పని చేసే మహిళలకూ పదవీ విరమణ లేదా అకాల మరణంంపై రూ.2 ఇస్తామని కాంగ్రెస్ పార్టీ హామీ ఇచ్చింది.