బైక్ ను ఢీ కొన్న ఆర్టీసీ బస్సు

దిశ, వెల్గటూర్ : ఎండపల్లి మండలం కొత్తపేట వద్ద రాష్ట్ర రహదారి పై శుక్రవారం జరిగిన రోడ్డు ప్రమాదంలో చంద్రమౌళి అనే వ్యక్తి తీవ్రంగా గాయపడ్డారు. రాజారాంపల్లి గ్రామానికి చెందిన చంద్రమౌళి తన బైక్ పై కొత్తపేట గ్రామం వైపు వెళుతుండగా ఎదురుగా వస్తున్న ఆర్టీసీ బస్సు ఢీ కొట్టింది. ఈ ప్రమాదంలో చంద్రమౌళి తీవ్రంగా గాయపడగా స్థానికులు 108 అంబులెన్స్ లో ఆసుపత్రికి తరలించారు. స్థానిక పోలీసులు ఘటనా స్థలానికి చేరుకొని వివరాలు సేకరిస్తున్నారు.