తైక్వాండో క్రీడలో రెడ్ వన్ బెల్ట్ సాధించిన రాజేష్

దిశ, కోరుట్ల: జగిత్యాల జిల్లా కేంద్రంలో ఆదివారం జరిగిన తైక్వాండో కలర్ బెల్ట్ ఆఫ్ గ్రేడింగ్ టెస్ట్ లో కోరుట్ల పట్టణానికి చెందిన కొక్కుల రాజేష్ పాల్గొని ప్రతిభ కనబరిచి, తైక్వాండో మార్షల్ ఆర్ట్స్ లో రెడ్ వన్ బెల్ట్ ని సాధించాడు. తెలంగాణ రాష్ట్ర తైక్వాండో అసోసియేషన్ జాయింట్ సెక్రటరీ సంతోష్ చేతుల మీదుగా రాజేష్ బెల్ట్ ను స్వీకరించాడు. ఈ కార్యక్రమంలో జగిత్యాల జిల్లా తైక్వాండో అసోసియేషన్ అధ్యక్షులు గంగారావు, కరీంనగర్ జిల్లా తైక్వాండో అసోసియేషన్ కార్యదర్శి సంతోష్, కోరుట్ల తైక్వాండో క్లబ్ ఫౌండర్ కోచ్ నేతాజీ, సొయాబ్, కల్లెడ విజయ్ పాల్గొన్నారు.