Collector Sathyaprasad : కస్తూర్బా గాంధీ స్కూల్ ను ఆకస్మిక తనిఖీ చేసిన కలెక్టర్

దిశ, వెల్గటూర్ : వెల్గటూర్ మండలం కుమ్మరిపల్లి గ్రామంలోని కస్తూర్బా గాంధీ స్కూల్ ను జిల్లా కలెక్టర్ సత్యప్రసాద్ శనివారం అకస్మిక తనిఖీ చేశారు. ఈ సందర్భంగా స్కూల్లో సుమారు నలభై నిమిషాల పాటు కలెక్టర్ కలియ తిరుగుతూ అన్ని వివరాలను టీచర్స్ ను అడిగి తెలుసుకున్నారు. విద్యార్థులకు ఉపాధ్యాయులు చేస్తున్న బోధనా తీరును క్లాస్ రూమ్ లో విద్యార్థులతో పాటు కలెక్టర్ కూర్చుని పరిశీలించారు.

విద్యార్థులకు పెడుతున్న మధ్యాహ్న భోజనాన్ని పరిశీలించారు. అదే విధంగా స్కూల్లో జరుగుతున్న అమ్మ ఆదర్శ పాఠశాల అభివృద్ధి పనులను తనిఖీ చేశారు. పనులు సత్వరమే పూర్తి చేయాలని ఇంజనీరింగ్ అధికారులను ఆదేశించారు. రికార్డులను పరిశీలించి విద్యార్థులు క్రమం తప్పకుండా పాఠశాలకు హాజరవుతూ విద్యార్థులకు నాణ్యమైన విద్యను అందించాలని ఉపాధ్యాయులకు కలెక్టర్ సూచించారు.