హీరో నితిన్‌తో జేపీ నడ్డా భేటీ..

దిశ, వెబ్‌డెస్క్: టాలీవుడ్ హీరోలతో బీజేపీ అగ్ర నేతల వరుస భేటీలు రాష్ట్రంలో హాట్ టాపిక్‌గా మారాయి. గత ఆదివారం తెలంగాణ పర్యటనకు వచ్చిన కేంద్ర హోంశాఖ మంత్రి అమిత్ షా టాలీవుడ్ స్టార్ హీరో ఎన్టీఆర్‌తో భేటీ కాగా.. నేడు బీజేపీ జాతీయ అధ్యక్షుడి జేపీ నడ్డా నోవాటెల్ హోటల్‌లో హీరో నితిన్‌తో భేటీ అయ్యారు. దీంతో నడ్డా, నితిన్ భేటీపై సర్వత్రా ఆసక్తి నెలకొంది. వీరిద్దరి మధ్య ఏ అంశాలు ప్రస్తావనకు వస్తాయనేది పొలిటికల్ సర్కిల్స్‌లో ఆసక్తికరంగా మారింది. సినీ నటులతో వరుస భేటీల వెనుక బీజేపీ ప్లాన్ ఏంటనేది ఎవరికి అంతుచిక్కడం లేదు.