ఆపరేషన్ హైడ్రా.. కూల్చివేతల వివరాలు విడుదల
తెలంగాణ ప్రభుత్వం ఇటీవల హైదరాబాద్ డిజాస్టర్ రెస్పాన్స్-అసెట్స్ మానిటరింగ్ అండ్ ప్రొటక్షన్ ఏజెన్సీ (హైడ్రా)ని ఏర్పాటు చేసింది.
దిశ, వెబ్ డెస్క్: తెలంగాణ ప్రభుత్వం ఇటీవల హైదరాబాద్ డిజాస్టర్ రెస్పాన్స్-అసెట్స్ మానిటరింగ్ అండ్ ప్రొటక్షన్ ఏజెన్సీ (హైడ్రా)ని ఏర్పాటు చేసింది. ఇది జీహెచ్ఎంసీ పరిధిలో ఉన్న చెరువులు, కుంటలు, నాలాలు, ప్రభుత్వ భూముల పరిరక్షణను చూసుకుంటుంది. ఇందులో భాగంగా జూన్ నుంచి అక్రమ నిర్మాణాలపై ఉక్కుపాదం మోతున్న హైడ్రా కూల్చివేతల వివరాలను విడుదల చేసింది. ఈ వివరాల ప్రకారం..గ్రేటర్ పరిధిలో జూన్ 27 నుంచి ఇప్పటి వరకు మొత్తం 23 ప్రాంతాల్లో 262 అక్రమ కట్టడాలను కూల్చివేసినట్లు తెలిపింది. దీంతో 111.71 ఎకరాల భూమిని హైడ్రా స్వాధీనం చేసుకున్నట్లు వెల్లడించింది. ఇందులో . గాజుల రామారం చింతల చెరువు బఫర్ జోన్లో 54 నిర్మాణాలు, రాజేంద్రనగర్ 45, మాదాపూర్ సున్నం చెరువు పరిధిలో 42 నిర్మాణాలు తొలగించినట్లు ప్రకటించింది.