హైదరాబాద్ వాసులకు బిగ్ అలర్ట్.. రెండు రోజుల పాటు ఈ ప్రాంతాల్లో నీటి సరఫరాలో అంతరాయం..!

దిశ, వెబ్‌డెస్క్: హైదరాబాద్ నగరవాసులకు జలమండలి అధికారులు కీలక సూచన చేశారు. హైదరాబాద్‌కు తాగు నీరు సరఫరా చేసే కృష్ణా డ్రింకింగ్ వాటర్ సప్లై స్కీమ్ ఫేజ్-2లోని కోదండాపూర్ పంప్ హౌజ్‌లో వాల్వ్ మరమ్మతులకు గురైనట్లు తెలిపారు. దీంతో అత్యవసరంగా నీటి సరఫరా నిలిపివేసే పరిస్థితి ఏర్పడిందని వెల్లడించారు. యుద్ధప్రాతిపదికన మరమ్మతు పనులు కూడా జరుగుతున్నాయని తెలిపారు. పనులు పూర్తయిన వెంటనే.. యథావిధిగా నీటి సరఫరా పునరుద్ధరిస్తామని చెప్పారు. ఈ మరమ్మతుల పనుల కారణంగా జలమండలి పరిధిలోని పలు ప్రాంతాల్లో నేడు, రేపు తాగునీటి సరఫరాలో కొన్నిచోట్ల పూర్తి అంతరాయం, మరికొన్ని చోట్ల పాక్షిక అంతరాయం ఏర్పడుతుందని తెలిపారు. మరి కొన్నిప్రాంతాల్లో‌లో లో ప్రెజర్‌తో నీరు సరఫరా అవుతుందని పేర్కొన్నారు

అంతరాయం ఏర్పడే ప్రాంతాలు

మిరాలం, బాలాపూర్, మైసారం, బార్కాస్ భోజగుట్ట, ఆళ్లబండ, మేకలమండి, భోలక్ పూర్, చిలకల గూడ, తార్నాక, లాలాపేట్, బౌద్ధ నగర్, మారేడ్ పల్లి, కంట్రోల్ రూమ్, రైల్వేస్, MES, కంటోన్మెంట్, ప్రకాశ్ నగర్, పాటిగడ్డ, హస్మత్ పేట్, ఫిరోజ్ గూడ, గౌతమ్ నగర్, వైశాలి నగర్, బీఎన్ రెడ్డి నగర్, వనస్థలిపురం, ఆటోనగర్, అల్కపురి కాలనీ, మహీంద్రహిల్స్, ఏలుగుట్ట, రామంతాపూర్, ఉప్పల్, నాచారం, హబ్సిగూడ, చిల్కా నగర్, బీరప్పగడ్డ, బుద్వేల్, శాస్త్రిపురం, మీర్ పేట్, బడంగ్ పేట్, శంషాబాద్ ప్రాంతాల్లో నీటి సరఫరాలకు అంతరాయం ఏర్పడుతుందని వెల్లడించారు. నీటి సరఫరాలో ప్రాబ్లమ్ ఉన్న నేపథ్యంలో ఈ ప్రాంతాల్లోని వినియోగదారులు నీటిని పొదుపుగా వాడుకోవాలని అధికారులు సూచించారు.