Hyderabad tCollector : సమానత్వం కోసం పోరాడిన యోధుడు సర్వాయి పాపన్న

దిశ , హైదరాబాద్ బ్యూరో : పేద, బడుగు బలహీన వర్గాలకు చెందిన వారికి సమానత్వం కోసం పోరాడిన యోధుడు సర్దార్ సర్వాయి పాపన్న గౌడ్ అని హైదరాబాద్ జిల్లా కలెక్టర్ అనుదీప్ దురిశెట్టి అన్నారు. కలెక్టరేట్ సమావేశ మందిరంలో ఆదివారం అధికారికంగా నిర్వహించిన సర్దార్ సర్వాయి పాపన్న 374 వ జయంతి కార్యక్రమంలో ఆయన ముఖ్యఅతిథిగా పాల్గొని సర్వాయి పాపన్న చిత్రపటానికి పూలమాలలు వేసి ఘనంగా నివాళులు అర్పించారు.

ఈ సందర్భంగా కలెక్టర్ మాట్లాడుతూ ప్రత్యేక సైన్యాన్ని ఏర్పాటు చేసుకొని గోల్కొండ కోటను జయించిన సర్దార్ సర్వాయి పాపన్న నేటి తరానికి ఆదర్శమని అన్నారు. బడుగు బలహీనవర్గాల ఐక్యత, సమానత్వం కోసం పోరాడిన గొప్ప వ్యక్తి అని కొనియాడారు . ఈ కార్యక్రమంలో జిల్లా బీసీ అభివృద్ధి అధికారి జి.ఆశన్న, జిల్లా ఎస్సీ అభివృద్ధి అధికారి పెరిక యాదయ్య, జిల్లా వికలాంగుల అభివృద్ధి అధికారి రాజేందర్, వయోజన విద్య ఉపసంచాలకులు జయశంకర్, నరసింహులు, సంజీవులు, నీరజారెడ్డి కృష్ణమాచారి, హెచ్ డబ్ల్యు ఓ లు తదితరులు పాల్గొన్నారు.