టెట్ అభ్యర్థులకు శుభవార్త..​ వెబ్​సైట్​లో పాత హాల్​ టికెట్లు

దిశ, తెలంగాణ బ్యూరో: టెట్​ దరఖాస్తు ప్రక్రియ మొదలైన నేపథ్యంలో గతంలో టెట్​ రాసిన అభ్యర్థులకు కొత్త కాలం సృష్టించారు. దీంతో పాత అభ్యర్థులకు చాలా ఇబ్బందులు తప్పాయి. దీనిపై ఇంకా అవగాహన రాకపోవడంతో చాలా మంది దరఖాస్తులకు దూరమవుతున్నారు. తాజాగా టెట్​ వెబ్​సైట్​లో పాత హాల్​ టికెట్లను అందుబాటులోకి తీసుకువచ్చారు.

వచ్చే డీఎస్సీలో టెట్​కు 20 శాతం వెయిటేజీతో పాటుగా ప్రస్తుతం టెట్​ అప్లికేషన్​ సబ్మిషన్​లో భాగంగా రాసిన టెట్​లో అత్యధిక మార్కులు సాధించిన టెట్​ హాల్​ టికెట్​ నెంబర్లను ఎంట్రీ చేసేందుకు ప్రత్యేక కాలంను రూపొందించారు. అయితే, చాలా మంది అభ్యర్థుల దగ్గర పాత హాల్​ టికెట్లు లేకపోవడంతో.. దరఖాస్తు చేసేందుకు ఇబ్బందులు పడుతున్నారు. ఈ పరిణామాల్లో ఇప్పటి వరకు కేవలం 12 వేల మంది మాత్రమే అప్లై చేసుకున్నారు. ఇంకా దాదాపుగా 3 లక్షల మంది అభ్యర్థులు అప్లై చేసుకోవాల్సి ఉంది. దీంతో డీఈడీ, బీఈడీ అభ్యర్థులు టెట్​ అధికారులను కలిసి పాత హాల్​ టికెట్లను వెబ్​సైట్​లో అందుబాటులో ఉంచాలని విజ్ఞప్తి చేశారు. ఈ మేరకు టెట్​ వెబ్​సైట్​లో ఉమ్మడి ఏపీలో 2011 నుంచి 2014 వరకు నిర్వహించిన నాలుగు టెట్​లతో పాటుగా తెలంగాణ ఏర్పాటు తర్వాత నిర్వహించిన రెండు టెట్​లకు సంబంధించిన అభ్యర్థుల హాట్​ టికెట్లను టీఎస్​ టెట్​ వెబ్​సైట్​ www.tstet.cgg.gov.inలో పొందుపర్చారు.

అభ్యర్థులు తమ పేరు, పుట్టిన తేదీ లేదా టెట్​ అప్లికేషన్​ ఐడీ నెంబర్​ ఎంట్రీ చేస్తే హాల్​ టికెట్లు డౌన్​లోడ్​ చేసుకునేలా అవకాశం కల్పించారు. టెట్​ అప్లికేషన్​ ఫారంలో అభ్యర్థులు ఎక్కువ మార్కులు సాధించిన టెట్​ హాల్​ టికెట్​ నెంబర్​ను ఎంట్రీ చేస్తే మార్కులు కనిపిస్తాయి. ప్రస్తుతం నిర్వహించే టెట్​లో సాధించిన మార్కులను బట్టి దేనిలో ఎక్కువ వస్తే వాటిని డీఎస్సీలో 20 శాతం వెయిటేజీకి కలుపుతారు. ఇది ఒక విధంగా టెట్​ రాసే అభ్యర్థులకు శుభవార్తే.