ప్రారంభానికి ముందే అపశృతి.. కొత్త సచివాలయంలో అగ్నిప్రమాదం

దిశ, వెబ్‌డెస్క్: తెలంగాణ నూతన సచివాలయంలో ఆదిలోనే అపశృతి జరిగింది. సీఎం కేసీఆర్ ప్రతిష్టాత్మకంగా నిర్మిస్తున్న సెక్రటేరియట్ మొదటి అంతస్తులో అగ్నిప్రమాదం జరిగింది. వుడ్ వర్క్ జరుగుతున్న క్రమలో లోయర్ గ్రౌండ్ ఫ్లోర్‌లో షార్ట్ సర్క్యూట్ జరిగి ఈ ప్రమాదం సంభవించినట్లు తెలుస్తోంది. దీంతో గుమ్మటంపై భారీగా పొగలు కమ్ముకున్నాయి. సమాచారం అందుకున్న ఫైర్ డిపార్ట్ మెంట్ 11 ఫైర్ ఇంజన్లతో మంటలను అదుపులోకి తెచ్చారు. కాగా, ఈనెల 17న సీఎం కేసీఆర్ ఈ నూతన సచివాలయాన్ని ప్రారంభించేందుకు ఏర్పాట్లు చేస్తున్న విషయం తెలిసిందే. ఇదే సమయంలో ఫైర్ యాక్సిడెంట్ జరగడం గమనార్హం.

ఇవి కూడా చదవండి : కేసీఆర్ తొందరపాటుతోనే సెక్రటేరియట్‌లో అగ్నిప్రమాదం : బండి సంజయ్