రాహుల్ గాంధీ పాదయాత్రకు రూట్ మ్యాప్ ఖారారు

దిశ, తెలంగాణ బ్యూరో: ఏఐసీసీ అగ్రనేత రాహుల్​ గాంధీ తలపెట్టిన భారత్​ జోడో యాత్రకు రాష్ట్రంలో రూట్​ మ్యాప్​ ఖరారైంది. కన్యాకుమారి నుంచి కశ్మీర్ వరకు రాహుల్ గాంధీ భారత్ జోడో యాత్ర చేపట్టనున్న విషయం తెలిసిందే. అక్టోబర్​ 2న ఈ యాత్ర ప్రారంభం కానుండగా.. అదే నెలాఖరులో రాష్ట్రానికి రానున్నారు. దీని కోసం తెలంగాణలో రూట్ మ్యాప్ ఖరారైంది. నారాయణపేట జిల్లా మక్తల్ వద్ద కర్ణాటక నుంచి రాహుల్​ యాత్ర రాష్ట్రంలోకి ప్రవేశించనుంది.

మక్తల్​, కొడంగల్​, పరిగి, వికారాబాద్​, జుక్కల్​ మీదుగా మహారాష్ట్రలోని నాందేడ్‌కు పాదయాత్ర చేయనున్నారు. ఈ సందర్భంగా మంగళవారం ఢిల్లీలోని ఏఐసీసీ ప్రధాన కార్యాలయంలో భారత్ జోడో యాత్ర రూట్​ మ్యాప్​ ను విడుదల చేశారు. దేశవ్యాప్తంగా 150 రోజులపాటు 3,600 కిలోమీటర్లు ఈ యాత్ర కొనసాగనుంది. అక్టోబర్​ 2న మొదలయ్యే రాహుల్​ యాత్ర అదే నెలలో రాష్ట్రానికి రానుంది. ఇదే సమయంలో మునుగోడు ఉపఎన్నికకు కూడా నోటిఫికేషన్​ వచ్చే అవకాశం ఉందని కాంగ్రెస్​ భావిస్తోంది. దీంతో రాహుల్​ యాత్ర కొంతమేరకైనా కలిసి వస్తుందనే ఆశలు పెట్టుకుంటున్నారు.