ఎక్సాక్ట్ పోల్స్ మాకు శుభవార్తనిస్తాయి.. మంత్రి కేటీఆర్ ట్వీట్

 దిశ, వెబ్‌డెస్క్: తెలంగాణ ఎన్నికలు ముగిసిన విషయం తెలిసిందే. డిసెంబర్ 3న ఫలితాలు కూడా రానున్నాయి. ఈ క్రమంలో అన్ని పార్టీల అభ్యర్థులు విజయంపై ఎవరికి వారే ధీమా వ్యక్తం చేస్తున్నారు. అంతేకాకుండా పోలింగ్ సరళి, ఎగ్జిట్ పోల్స్ పై అంచనాలు వేసుకుంటున్నారు. ఎక్కడ పరిస్థితులు అనుకూలంగా మారాయి.. ఎక్కడ ప్రతికూలంగా మారాయంటూ బేరీజు వేసుకుంటున్నారు.

ఈ క్రమంలో పలు సర్వేలు కూడా తెలంగాణలో ప్రముఖ పార్టీ గెలువనుందని తెలిపాయి. అయితే కేటీఆర్ నిత్యం సోషల్ మీడియాలో యాక్టీవ్‌గా ఉంటూ పలు పోస్టులతో వార్తల్లో నిలుస్తుంటారు. తాజాగా, మంత్రి కేటీఆర్ ఓ ఇంట్రెస్టింగ్ ట్వీట్ చేశారు. ‘‘చాలా కాలం తర్వాత ప్రశాంతంగా నిద్ర పట్టింది.. ఎగ్జిట్ పోల్స్ ను పట్టించుకోలేదు.. ఎక్సాక్ట్ పోల్స్ మాకు శుభవార్తనిస్తాయి’’ అంటూ రాసుకొచ్చారు. ప్రస్తుతం కేటీఆర్ పోస్ట్ చూసిన వారంతా మళ్లీ బీఆర్‌ఎస్ పార్టీ అధికారంలోకి రావడంతో పాటు కేసీఆర్ అవుతారని ఆయనకు సపోర్ట్‌గా నిలుస్తున్నారు.