బీ కేర్ ఫుల్ విత్ మీడియా!.. పార్టీ నేతలకు సోనియా హితవు

దిశ, డైనమిక్ బ్యూరో: ఎన్నికల వేళ పార్టీ నేతలకు సోనియా హితవు బోధించారు. హైదరాబాద్ వేదికగా జరిగిన సీడబ్ల్యూసీ సమావేశాలలో భాగంగా మాట్లాడిన సోనియా గాంధీ కాంగ్రెస్ పార్టీ ప్రయోజనాలకు హాని కలిగించే వ్యాఖ్యల జోలికి నేతలెవరూ పోవద్దని సూచించారు. పొరపాటుగా ఏ చిన్న వ్యాఖ్య చేసిన అది పార్టీ ప్రతిష్టను, ప్రయోజనాలను తీవ్ర స్థాయిలో డ్యామేజ్ చేయవచ్చని అందువల్ల మీడియా ముందుకు వచ్చినప్పుడు సంయమనం పాటించాలని నేతలకు దిశానిర్దేశం చేశారు. వీలయితే మీడియాకు దూరంగా ఉండాలని సూచించింది. కాగా కాంగ్రెస్ పై అసత్యాలు ప్రచారం చేస్తున్నారంటూ కొంత మంది యాంకర్ల డిబేట్లకు వెళ్లకూడదని ఇటీవలే పార్టీ నేతలు నిర్ణయించారు. ఈ నేపథ్యంలో తాజాగా మీడియాతో జాగ్రత్తగా ఉండాని సోనియా సూచించడం ఆ పార్టీలో ఆసక్తిగా మారింది.