బ్రేకింగ్: కాంగ్రెస్ చేవెళ్ల సభ మరోసారి వాయిదా.. కొత్త తేదీ ప్రకటించిన TPCC..!

దిశ, వెబ్‌డెస్క్: కాంగ్రెస్ చేవెళ్ల సభ మరోసారి వాయిదా పడింది. మొదట ఈ సభ ఆగస్ట్ 18న జరగాల్సి ఉండగా సభ నిర్వహణకు సమయం తక్కువగా ఉండటంతో పాటు పలు కారణాల వల్ల ఈ నెల 24కు వాయిదా పడింది. తాజాగా 24వ తేదీన జరగాల్సిన సభ కూడా మరోసారి వాయిదా పడింది. ఈ సభను తిరిగి 26వ తేదీకి పోస్ట్ పోన్ చేసినట్లు టీపీసీసీ శుక్రవారం వెల్లడించింది. కాగా, ఇప్పటికే రైతు, యూత్ డిక్లరేషన్ ప్రకటించిన కాంగ్రెస్.. ఈ సభలో ఎస్సీ, ఎస్టీ డిక్లరేషన్ ప్రకటించాలని ప్లాన్ చేస్తున్నట్లు టాక్. ఈ సభకు ఏఐసీసీ చీఫ్ మల్లికార్జున ఖర్గే హాజరవుతారని ఇప్పటికే కాంగ్రెస్ ప్రకటించిన విషయం తెలిసిందే. అయితే, 24వ తేదీన కాంగ్రెస్ చీఫ్ మల్లికార్జున ఖర్గేకు రాజస్థాన్‌లో ముఖ్యమైన పర్యటన ఉన్న నేపథ్యంలో చేవెళ్ల సభ 26వ తేదీకి వాయిదా పడినట్లు సమాచారం.