‘ఢీ’ షో డ్యాన్స్ కొరియాగ్రాఫర్ చైతన్య ఆత్మహత్య

దిశ, తెలంగాణ క్రైం బ్యూరో: ప్రముఖ డ్యాన్స్ షో ‘ఢీ’లో కొరియోగ్రాఫర్‌గా పేరు తెచ్చుకున్న చైతన్య మాస్టర్ ఆదివారం నెల్లూరు క్లబ్ హోటల్‌లో ఉరి వేసుకుని ఆత్మహత్య చేసుకున్నారు. తనకు అప్పులు ఎక్కువయ్యాయని, వాటిని తీర్చలేక పోతున్నానని సెల్ఫీ వీడియోలో తెలిపారు. ఎంత ప్రయత్నించినా అప్పులు తీర్చలేక పోతున్నానని, అందుకే ఆత్మహత్య చేసుకుంటున్నాని తెలిపారు. కాగా, ఆత్మహత్యకు ముందు చైతన్య సెల్ఫీ వీడియో రికార్డ్ చేశారు. ఈ సందర్భంగా ఈ పని చేస్తున్నందుకు తన తల్లిదండ్రులకు, తన తోటి డ్యాన్స్ మాస్టర్లకు, డ్యాన్సర్లకు సారీ చెప్పాడు చైతన్య. అప్పులు ఇచ్చినవాళ్లు ఇచ్చిన ప్రెజర్ తట్టుకోలేకపోతున్నాని.. చాలా ట్రై చేసినా అవ్వడం లేదని అతడు తెలిపాడు.