ఆ ఛాలెంజ్‌లో పాల్గొన్న బాలీవుడ్ ఫైర్ బ్రాండ్

దిశ, డైనమిక్ బ్యూరో : బీఆర్ఎస్ నేత, ఎంపీ జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ సక్సెస్ ఫుల్‌గా కొనసాగుతోంది. మొక్కలు నాటే ఈ కార్యక్రమంలో సినీ, వ్యాపార, రాజకీయ, క్రీడా ప్రముఖులు భాగస్వామ్యం అవుతున్న సంగతి తెలిసిందే. తాజాగా బాలీవుడ్ ఫైర్ బ్రాండ్ కంగనా రనౌత్ ఈ ఛాలెంజ్‌లో భాగంగా హైదరాబాద్ శివారులోని శంషాబాద్ పంచవటి పార్కులో బుధవారం మొక్క నాటారు.

ప్రముఖ జ్యోతిష్యుడు బాలు మున్నంగి ఛాలెంజ్‌ను స్వీకరించి మొక్కలు నాటినట్లు తెలిపారు. గ్రీన్ ఇండియా ఛాలెంజ్ ద్వారా ఎంపీ సంతోష్​ కుమార్ కోట్లాది మొక్కలు నాటడం గొప్ప విషయం అని కొనియాడారు. ఈ ఛాలెంజ్‌ను అందరూ స్వీకరించి మొక్కలు నాటాలని, పచ్చదనాన్ని పెంచాలని కోరారు. గ్రీన్ ఇండియా ఛాలెంజ్ కో ఫౌండర్ రాఘవ హీరోయిన్ కంగనాకు వృక్ష వేదం పుస్తకాన్ని అందించారు. అనంతరం రంగోలి చందర్, రీతూ రనౌత్, అంజలి చౌహాన్‌లకు కంగనా గ్రీన్ ఇండియా ఛాలెంజ్‌లో పాల్గొనాల్సిందిగా నామినేట్ చేశారు.