TS : కౌంటింగ్ వేళ మావోయిస్ట్‌ల అలజడి కలకలం..

దిశ, మంచిర్యాల టౌన్ : మంచిర్యాల జిల్లా ఇంధరం గ్రామంలోని కాసింపల్లి గ్రామంలో మావోయిస్టుల అలజడి తీవ్ర కలకలం రేపింది. గత కొన్ని రోజులుగా మావోయిస్టులు ఇక్కడ తల దాచుకోగా పక్కా సమాచారంతో ప్రత్యేక పోలీస్ బృందం తనిఖీలు చేపట్టారు. ఒక నిర్దేశిత ప్రదేశంలో ఉన్న చిన్న రూంలో ఇద్దరు మావోయిస్ట్‌లను పోలీసులు అదుపులోకి తీసుకున్నారు. వారి వద్ద నుండి రూ.50 వేలు, కర పత్రాలతో పాటు డంప్ స్వాధీనం చేసుకున్నట్లు సమాచారం.

నిన్న రాత్రి నుండి సోదాలు చేసి వారిని ప్రత్యేక బృందాలు విచారించారు. వారిని స్థానిక పోలీస్ స్టేషన్‌కి తరలించినట్లు తెలసింది. ఆయుర్వేద డాక్టర్లం అంటూ గ్రామంలోకి 10 రోజుల క్రితం వచ్చి రూం తీసుకున్నట్లు గ్రామస్థులు తెలిపారు. పూర్తి వివరాలు తెలియాల్సి ఉంది. ఈ రోజు నుండే మావోయిస్ట్‌ల వారోత్సవాలు ప్రారంభం అవడం, అదే రోజు మావోయిస్ట్‌ల అలజడి జిల్లాలో మొదలు అవడం సంచలనంగా మారింది.