విషాదం...రోడ్డు ప్రమాదంలో భార్యాభర్తలు దుర్మరణం

దిశ, లక్షెట్టిపేట : మంచిర్యాల జిల్లా లక్షెట్టిపేట మండలంలోని గుల్లకోట గ్రామ 63వ నెంబరు జాతీయ రహదారిపై బుధవారం జరిగిన రోడ్డు ప్రమాడంలో బత్తుల శంకరయ్య (60), లచ్చవ్వ (55) అనే భార్యాభర్తలు దుర్మరణం చెందారు. వేంపల్లి లోని ఓ పెళ్లికి హాజరై బైక్ పై వస్తుండగా వెనకాల నుంచి లారీ ఢీకొనడంతో ఈ ప్రమాదం జరిగింది. అక్కడికక్కడే తీవ్ర గాయాలై మృతి చెందారు. మృతులు మంచిర్యాల జిల్లా దండేపల్లి మండలంలోని కొత్త మామిడిపల్లి గ్రామానికి చెందినవారు. ఘటన స్థలానికి పోలీసులు చేసుకొని వివరాలు సేకరిస్తున్నారు.