ఖానాపూర్‌ నుంచి శంషాబాద్‌ ఎయిర్‌పోర్ట్‌కు సూపర్‌ లగ్జరీ బస్సు

దిశ, నిర్మల్ టౌన్ : ఖానాపూర్‌ పట్టణ ప్రయాణికుల కోరిక మేరకు ఆర్టీసీ నిర్మల్‌ డిపో నుంచి ఖానాపూర్‌ మీదుగా మెట్‌ పెల్లి–ఆర్మూర్‌ ద్వారా శంషాబాద్‌ ఎయిర్‌పోర్ట్‌కు సూపర్‌ లగ్జరీ బస్సును నడుపుతున్నట్లు డిపో మేనేజర్‌ ప్రతిమా రెడ్డి ఆదివారం తెలిపారు. ఈ బస్సు ప్రతి రోజూ ఖానాపూర్‌ బస్‌స్టాండ్‌ నుంచి సాయంత్రం 5:30 గంటలకు బయలు దేరి రాత్రి 11:55 గంటలకు శంషాబాద్‌ చేరుకుంటుందని తెలిపారు. తిరిగి మరుసటి రోజు ఉదయం 7:00 గంటలకు బయలు దేరి నిర్మల్‌ చేరుకుంటుందని డిపో మేనేజర్‌ చెప్పారు. ఈ అవకాశాన్ని ఖానాపూర్‌ పట్టణ పరిసర ప్రాంత ప్రజలు సద్వినియోగం చేసుకోవాలని కోరారు.