ఘనంగా సీఎం కేసీఆర్ జన్మదిన వేడుకలు..

దిశ, రామకృష్ణాపూర్ : తెలంగాణ రాష్ట్ర ముఖ్యమంత్రి కేసీఆర్ జన్మదిన వేడుకలను శుక్రవారం రామకృష్ణాపూర్ పట్టణంలో బీఆర్ఎస్ కార్యకర్తలు, నాయకులు, అభిమానులు ఘనంగా జరుపుకున్నారు. పట్టణ అధ్యక్షులు అబ్దుల్ అజీజ్, సీనియర్ నాయకులు గాండ్ల సమ్మయ్య, పురచైర్మన్ జంగం కళ, వైస్ చైర్మెన్ సాగర్ రెడ్డి సాయి బాబా ఆలయంలో సీఎం కేసీఆర్ పేరున అర్చన పూజాకార్యక్రమాలు నిర్వహించారు. అనంతరం బీఆర్ఎస్ పార్టీ కార్యాలయంలో పట్టణ అధ్యక్షులు కేక్ కట్ చేసి సీఎంకు శుభాకాంక్షలు తెలిపారు. ఆర్కే వన్ఎ గని పై టీబీజీకేఎస్ ఫిట్ సెక్రెటరీ బండారి బిక్షపతి అధ్వర్యంలో, బీజోన్ నాయి బ్రాహ్మణ సంఘం ఆధ్వర్యంలో అధ్యక్షులు శ్రీనివాస్ కేక్ కట్ చేసి శుభాకాంక్షలు తెలిపారు.

విద్యానగర్ కు చెందిన ప్రయివేట్ ఉపాద్యాయుడు హెబ్ నైజర్ గతకొద్ది రోజులుగా అనారోగ్యంతో బాధపడుతున్నాడు. కేసీఆర్ జన్మదిన వేడుకలలో భాగంగా బాల్క ఫౌండేషన్ ఆధ్వర్యంలో హెబ్ నైజర్ కుటుంబానికి 10వేల ఆర్థిక సహాయం అందించారు. ఈ సందర్భంగా బీఆర్‌ఎస్ పార్టీ అధ్యక్షుడు అబ్దుల్ అజీజ్ మాట్లాడుతూ సీఎం కేసీఆర్‌ నేతృత్వంలో తెలంగాణ రాష్ట్రం అన్నిరంగాల్లో అభివృద్ధి సాధిస్తుందని అన్నారు. సీఎం కేసీఆర్‌ ఇలాంటి జన్మదిన వేడుకలు మరెన్నో జరుపుకోవాలని ప్రజలు కోరుకుంటున్నట్లు ఆయన తెలిపారు. ఈ కార్యక్రమంలో కౌన్సిలర్లు పోగుల మల్లయ్య, పుల్లూరు సుధాకర్, జాడి శ్రీనివాస్, గడ్డం రాజు, రేవెల్లి ఓదెలు, జిలకర మహేష్, బొద్దుల రమ్య, పార్వతి విజయ, ఉమాదేవి, శ్రీలత తదితరులు పాల్గొన్నారు.