కొత్త ప్రాసెసర్‌తో విడుదలైన Infinix స్మార్ట్ 8

దిశ, టెక్నాలజీ: స్మార్ట్‌ఫోన్ తయారీ కంపెనీ Infinix ఇండియాలో తన స్మార్ట్ 8 స్మార్ట్‌ఫోన్‌ను కొత్త ప్రాసెసర్‌తో విడుదల చేసింది. పాత మోడల్‌లో Unisoc TSoC వెర్షన్ ఉపయోగిస్తుండగా, ఇప్పుడు దానిలో Mediatek Helio G36 SoC ప్రాసెసర్‌ని అందించారు. Infinix స్మార్ట్ 8 మోడల్ గత నవంబర్ నెలలో Unisoc TSoC వెర్షన్‌లో లాంచ్ అయింది. అయితే ఆపరేటింగ్‌ను మరింత వేగవంతం చేయడానికి ఈ అప్‌డేట్‌ను తీసుకొచ్చింది. దీని 4GB RAM + 64GB మోడల్‌లో ధర రూ.7,499. ఈ కామర్స్ సైట్ ఫ్లిప్‌కార్ట్ ద్వారా కొనుగోలుకు అందుబాటులో ఉంది. ఇది టింబర్ బ్లాక్, షైనీ గోల్డ్, రెయిన్‌బో బ్లూ, గెలాక్సీ వైట్ కలర్స్‌లలో లభిస్తుంది. కొనుగోలు సమయంలో ICICI బ్యాంక్ కార్డుపై తగ్గింపు లభిస్తుంది.

Infinix స్మార్ట్ 8 వేరియంట్ 6.6-అంగుళాల IPS డిస్‌ప్లేను కలిగి ఉంది. దీని రిఫ్రెష్ రేట్ 90Hz. ఫోన్ ఆండ్రాయిడ్ 13 Go-ఆధారిత XOS 13 ద్వారా రన్ అవుతుంది. కెమెరాల విషయానికి వస్తే, ఫోన్ బ్యాక్ సైడ్ 50 మెగాపిక్సెల్ ప్రైమరీ సెన్సార్, ముందు సెల్ఫీల కోసం 8 మెగాపిక్సెల్ కెమెరా ఉంది. స్టోరేజ్‌ను మెమరీ కార్డు ద్వారా 1TB వరకు పెంచుకోవచ్చు. దీనిలో 10W చార్జింగ్ సపోర్ట్‌తో 5000 mAh బ్యాటరీని అందించారు. ఫింగర్ ప్రింట్ సెన్సార్ సైడ్‌కు ఉంటుంది. ఇంకా ఫేస్ అన్‌లాక్ సపోర్ట్‌ కూడా ఉంది.