అవును.. నేను క్వాటర్ తాగుతా : వంగలపూడి అనిత

దిశ, వెబ్ డెస్క్: ప్రస్తుతం యువత ఎక్కువగా సోషల్ మీడియాలోనే కాలం వెల్లదీస్తోంది. అయితే, వారు చేసే పనులు కొందరినీ బాగా ఇబ్బంది పెడుతున్నాయి. అందులో రాజకీయ పార్టీల ఫాలోవర్లు, సినిమా హీరోల ఫాలోవర్లు ఉంటున్నారు. వారు కామెంట్స్ వలన ఇటీవల తమిళనాడులో ఓ సినీనటి ఆత్మహత్యవరకు వెళ్లారంటే అతిశయోక్తి కాదు. బాలీవుడ్ హీరో సుశాంత్ మృతి సమయంలో నెటిజన్స్ చేసే కామెంట్స్ తట్టుకోలేక ట్విట్టర్ కు దూరంగా ఉండేందుకు ఫిక్స్ అయ్యారు. ఆ రేంజ్ లో వారి కామెంట్స్ ఉంటున్నాయి. ఈ క్రమంలోనే ఓ నెటిజన్ చేసిన కామెంట్‌కు టీడీపీ మహిళా నేత వంగలపూడి అనిత తీవ్రస్థాయిలో స్పందించారు.

ఆంటీకి మందు అలవాటున్నట్లు ఉంది, అందుకే ఆల్కహాల్ గురించి వివరిస్తోంది.. అంటూ ఓ నెటిజన్ కామెంట్ చేయగా, స్పందించిన ఆమె ఘాటు వ్యాఖ్యలు చేశారు. “అవును తమ్ముడూ… మీ అమ్మ గారు, నేను కలిసే తాగుతాం! మీ అమ్మ హాఫ్ తాగితే, నేను క్వార్టర్ తాగుతాను! సన్నాసీ, ఏం భాషరా ఇది! ఇలానే పెంచారా నిన్ను మీ ఇంట్లో! సంస్కారం లేని వెధవ పుట్టాడని ప్రతిరోజూ ఏడుస్తారు” అంటూ అనిత ట్వీట్ చేశారు.