సుశాంత్ సినిమా వరల్డ్ రికార్డు..

దిశ, వెబ్ డెస్క్: ఎమ్ ఎస్ ధోని చిత్రంతో దేశ వ్యాప్తంగా అభిమానులను సంపాందించుకున్న బాలీవుడ్ యంగ్ హీరో సుశాంత్ సింగ్ రాజ్‌పుత్ ఇటీవల వ్యక్తిగత కారణాల రీత్యా ఆత్మహత్య చేసుకున్న విషయం తెలిసిందే. కాగా ఆయన నటించిన ‘దిల్ బెచారా’ చిత్రం షూటింగ్ ఇప్పటికే పూర్తయింది. కరోనా మహమ్మారి మూలంగా లాక్‌డౌన్ విధించడంతో, సినిమా థియోటర్లు మొతం మూసివేయడంతో ఇంకా విడుదలకు నోచుకోలేదు. కాగా ఇటీవల విడుదల చేసిన ట్రైలర్ మాత్రం రికార్డులు సృష్టిస్తోంది. డిస్ట్నీ హాట్‌స్టార్‌లో ఈ చిత్రం జులై 24న ఫ్రీగా ప్రదర్శించబోతున్నారు. ఈ సినిమాలో సుశాంత్‌కు జోడీగా సంజన సంఘీ నటించింది. ఏకంగా హాలీవుడ్ సినిమాల రికార్దులను కూడా తుడిచేస్తుంది. ‘ఎలా పుట్టాలి ఎప్పుడు చావాలి అన్నది మనం డిసైడ్ చేయలేం.. కానీ ఎలా బతకాలన్నది మాత్రం మన చేతుల్లో ఉంది అంటూ’ ట్రైలర్‌లో సుశాంత్ చెప్పిన డైలాగులు కన్నీరు పెట్టిస్తున్నాయి. ఇప్పటికే ఈ ట్రైలర్ 7 కోట్ల వ్యూస్‌తో పాటు 10 మిలియన్లకు పైగా లైక్స్ సొంతం చేసుకుంది. ఇది వరల్డ్ రికార్డ్.. ఇప్పటివరకూ ఇన్ని మిలియన్స్ లైక్స్ అందుకున్న సినిమాలు మరేదీ లేకపోవడం గమనార్హం.