ధనుష్‌తో వర్క్ ఎప్పటికీ స్పెషలే

దిశ, వెబ్‌డెస్క్: రియల్ లైఫ్ బ్రదర్స్ ధనుష్, సెల్వరాఘవన్ కాంబినేషన్‌లో సినిమా అంటే తమిళనాట ఫుల్ క్రేజ్ ఉంది. ఇప్పటి వరకు వీరిద్దరి కాంబినేషన్‌లో వచ్చిన సినిమాలన్నీ కూడా సూపర్ హిట్ కాగా.. మళ్లీ వీరిద్దరి రీయూనియన్ కోసం ఫ్యాన్స్ ఎప్పట్నుంచో వెయిట్ చేస్తున్నారు. ఈ క్రమంలో సెల్వరాఘవన్ చేసిన ఓ ట్వీట్ ధనుష్ ఫ్యాన్స్‌లో ఎక్కడలేని ఉత్సాహాన్ని తీసుకొచ్చింది. ‘ధనుష్‌తో సినిమా చేస్తే అది ఎప్పుడూ స్పెషల్‌గా ఉంటుంది’ అన్న ట్వీట్.. ధనుష్44 తనతోనే ఉండొచ్చనే సంకేతాన్నిస్తోంది. ప్రస్తుతం కార్తీక్ నరేన్‌‌ కాంబినేషన్‌లో చేస్తున్న సినిమా కంప్లీట్ కాగానే సెల్వరాఘవన్‌తో జాయిన్ కానున్నాడనే టాక్ వినిపిస్తోంది. ఈ మేరకు మార్చి 2021లో సినిమా షూటింగ్ ప్రారంభమయ్యే అవకాశం ఉంది. కాగా ధనుష్ ఈ మధ్యే బాలీవుడ్ ప్రాజెక్ట్ ‘అత్రంగి రే’ షూటింగ్ పూర్తిచేసిన సంగతి తెలిసిందే.