బిగ్ బ్రేకింగ్ : పోలీసులపై ఇసుక మాఫియా దాడి..

దిశప్రతినిధి, కరీంనగర్ : ఉమ్మడి కరీంనగర్ జిల్లాలో ఇసుక మాఫియా రెచ్చిపోతోంది. జిల్లాలోని వాగులు, నదుల్లోని ఇసుకను అక్రమంగా తరలిస్తూ తనిఖీలకు వెళ్లిన పోలీసులపై ఎదురు దాడులకు దిగుతున్నారు. తాజాగా సోమవారం అర్థరాత్రి జగిత్యాల జిల్లాలో పోలీసులపై ఇసుక మాఫియా దాడులకు పాల్పడింది. మల్లాపూర్ మండలం వేంపల్లి వెంకట్రావు పేటలో పోలీసులపై ఇసుక మాఫియా దాడికి పాల్పడిన ఘటన కలకలం సృష్టించింది. గోదావరి నది నుండి ఇసుక అక్రమంగా తరలిస్తున్న ట్రాక్టర్లను పట్టుకునేందుకు వెళ్లిన పోలీసు సిబ్బందిపై ఇసుక మాఫియా అటాక్ చేసింది.

మల్లాపూర్ ప్రొబేషనరీ ఎస్ఐ వెంకటేష్, కానిస్టేబుళ్లు శ్రీనివాస్, రాజ్ కుమార్, సురేష్‌లు అక్రమ ఇసుకను నియంత్రించేందుకు గోదావరి నది వద్దకు వెళ్లగానే దాడులకు తెగబడ్డారు ఇసుక స్మగ్లర్లు. పోలీసులపై రాళ్లతో దాడి జరపడంతో కానిస్టేబుళ్లు రాజ్ కుమార్, శ్రీను, సురేష్‌లకు తీవ్ర గాయాలయ్యాయి. మె‌ట పల్లి డీఎస్పీ గౌస్ బాబా హుటాహుటిన ఘటనా స్థలికి చేరుకుని పరిస్థితిని సమీక్షించారు. దాడికి పాల్పడ్డ స్మగ్లర్లు పరారీ అయ్యారని పోలీసులు తెలిపారు. గోదావరి నదిలో ఇసుక మాఫియా వదిలేసిన ట్రాక్టర్లను పోలీస్ స్టేషన్‌కు తరలించారు.