ఆదిలాబాద్‌లో ఘోర రోడ్డు ప్రమాదం

దిశ, గుడిహత్నూర్ : ట్రాక్టర్ బోల్తా పడి ఒకరికి తీవ్ర గాయాలు అయిన సంఘటన గుడిహత్నూర్ మండలంలో జాతీయ రహదారిపై చోటుచేసుకుంది. స్థానిక ఎస్సై ప్రవీణ్ కుమార్ తెలిపిన వివరాల ప్రకారం.. మండలంలోని ధాంపూర్ గ్రామానికి చెందిన రత్నం రాకేష్(45) తన స్వంత ట్రాక్టర్ తీసుకొని ఆదిలాబాద్ వైపు వెళ్తున్న క్రమంలో ట్రాక్టర్ అదుపు తప్పి బోల్తా పడింది. దీంతో రాకేష్‌కు తీవ్రగాయాలు కావడంతో అతన్ని చికిత్స నిమిత్తం రిమ్స్ ఆసుపత్రికి తరలించగా, పరిస్థితి విషమంగా ఉండటంతో హైదరాబాద్‌కు తరలించినట్లు ఎస్‌ఐ తెలిపారు. కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.