‘బెల్లం శ్రీదేవి’ గిటార్ మ్యాజిక్

‘ఊహలు గుసగుసలాడే’ చిత్రంతో టాలీవుడ్ ఎంట్రీ ఇచ్చిన బబ్లీ గర్ల్ రాశీ ఖన్నా.. సుప్రీమ్ సినిమాలో చేసిన ‘బెల్లం శ్రీదేవి’ పాత్రతో నవ్వులు పూయించింది. పర్ఫార్మెన్స్‌కు స్కోప్ ఉన్న పాత్రలను ఎంచుకుంటూ తక్కువ టైమ్‌లోనే తెలుగులో క్రేజీ హీరోయిన్‌గా మారిపోయింది. గతేడాది ప్రతిరోజూ పండగే, వెంకీమామతో వరుస హిట్స్ అందుకున్న రాశిని.. ఈ ఏడాది రిలీజైన ‘వరల్డ్ ఫేమస్ లవర్’ మాత్రం కాస్త నిరాశపర్చింది. అయితే హిట్స్, ప్లాప్స్‌తో సంబంధం లేకుండా అవకాశాలు దక్కించుకుంటూ కెరీర్ కొనసాగిస్తోంది. ఇక లాక్‌డౌన్ కారణంగా ఇంటికే పరిమితమైన ఈ గ్లామర్ డాల్.. తనలో దాగున్న ప్రతిభను ప్రపంచానికి పరిచయం చేయాలని చూస్తోంది.

చిన్నప్పటి నుంచి గిటార్‌లో మెళకువలు నేర్చుకున్న రాశీ ఖన్నా.. తాజాగా తన ఫేవరేట్ సాంగ్‌ను గిటార్‌పై ప్లే చేసి, అభిమానులను అలరించింది. ‘మ్యూజిక్ హృదయానికి తెలిసిన భాష.. నాకు అత్యంత ఇష్టమైన ‘గెట్ యూ ద మూన్’ పాట గిటార్‌పై ప్లే చేసేందుకు ప్రయత్నిస్తున్నాను. మీ అందరికీ తప్పకుండా నచ్చుతుందనుకుంటా’ అని ట్విట్టర్ ద్వారా వెల్లడించింది.