డిటెక్టీవ్ గా మారిన స్టార్ హీరోయిన్.. దేనికోసమంటే..?

దిశ, వెబ్‌డెస్క్ : ‘ఊహలు గుసగుసలాడే’ చిత్రంతో ఎంట్రీ ఇచ్చింది బబ్లీ బ్యూటీ రాశిఖన్నా. చబ్బీ చీక్స్‌, తన అందంతో కుర్రకారు మతిపోగొట్టిన ఈ అమ్మడు ఈ సినిమా తర్వాత ఒక్క సారిగా తెలుగు ఇండస్ట్రీలో స్టార్ అయిపోయింది. స్టార్ హీరోల సరసన నటించి మెప్పించిన ఈ బ్యూటీ ప్రస్తుతం ఓటీటీ వైపు అడుగులు వేస్తోంది. సమంత, కాజల్ లాంటి టాప్ హీరోయిన్స్ వెబ్ సీరిస్‌తో అందరినీ ఆకర్షించి మంచి గుర్తింపు తెచ్చుకున్న విషయం తెలిసిందే.

ఈ క్రమంలో ఈ బబ్లీ బ్యూటీ కూడా డిజిటల్ ఎంట్రీకి సిద్ధమవుతోంది. డిజిటల్ ప్లాట్ ఫాంపై తన నటనతో అందరీని అలరించడానికి సిద్ధమైన రాశీ ఓ వెబ్ సిరీస్ లో పవర్ రోల్ పోషించబోతోందట. అయితే ఈ వెబ్ సిరీస్ స్టోరి అంతా సీరియల్ హత్యల చుట్టూ తిరుగుతూ పలు ట్విస్ట్ లను కలిగి ఉంటుందని తెలుస్తోంది. ఇందులో రాశీ క్రేజీగా డిటెక్ట్టివ్ రోల్ పోషించబోతున్నారట. ఈ సిరీస్ ‘పాతాళ లోక్’ మాదిరిగానే ఉంటుందటున్నారు.. కథా నేపథ్యం రెండు వేరైనా అలాంటి క్రైమ్ థ్రిల్లర్ లానే ఉంటుందన్న టాక్ వినిపిస్తోంది. ఇక త్వరలోనే ఈ వెబ్ సీరిస్‌కు షూటింగ్ ప్రారంభం కానుంది. ఇక ఓటీటీ ప్లాట్ ఫార్మ్ ద్వారా ఈ హాట్ బ్యూటీ ఏ మేరకు తన అభిమానులను ఆకట్టుకుంటుందో చూడాలి మరీ..