'పుష్ప' అప్‌డేట్‌: తగ్గేదేలే.. 5 భాషల్లో అదిరిపోయేలా ఫస్ట్ సాంగ్

దిశ, వెబ్‌డెస్క్: కరోనా సెకండ్ వేవ్ సద్దుమణిగాకా చిత్ర పరిశ్రమ వేగాన్ని పుంజుకుంది. షూటింగ్ లు, స్టార్ హీరోల చిత్రాల అప్ డేట్లు రావడంతో సినీ అభిమానులు పండగ చేసుకుంటున్నారు. ఇప్పటికే టాలీవుడ్ స్టార్ హీరోలు తమ కొత్త చిత్రాల రిలీజ్ డేట్లను లాక్ చేసుకొని.. ప్రమోషన్లకు కూడా సిద్ధమవుతున్నారు. తాజాగా స్టైలిస్ట్ స్టార్ అల్లు అర్జున్ కొత్త చిత్రం ‘పుష్ప’ న్యూ అప్ డేట్ ని మేకర్స్ రిలీజ్ చేశారు. అల్లు అర్జున్ – డైరెక్టర్ సుకుమార్ కాంబినేషన్ లో తెరకెక్కుతున్న ఈ సినిమాపై ప్రేక్షకులు భారీ అంచనాలనే పెట్టుకున్నారు. శేషాచలం అడవుల్లో ఎర్రచందనం స్మగ్లింగ్ నేపథ్యంలో ఈ సినిమా తెరకెక్కుతోంది. పాన్ ఇండియా ప్రాజెక్ట్ గా రూపొందుతున్న ఈ చిత్రాన్ని రెండు భాగాలుగా విడుదల చేయనున్న సంగతి తెలిసిందే.

ఇక ఇప్పటికే ఈ సినిమా నుంచి రిలీజైన టీజర్ ఎంతటి ఘనవిజయాన్ని అందుకుందో ప్రత్యేకంగా చెప్పనవసరం లేదు. కాగా, తాజాగా ఈ చిత్ర యూనిట్ ప్రేక్షకులకు ఒక సర్ ప్రైజ్ అప్ డేట్ ఇచ్చారు. ‘పుష్ప’ సినిమా నుంచి ‘దాక్కో దాక్కో మేక‌.. పులొచ్చి కొట్టుద్ది పీక.. అంటూ సాగే మొదటి పాటను ఆగ‌స్టు 13న విడుద‌ల చేయ‌నున్న‌ట్లు తెలిపింది. ఈ పాటను 5 ప్రధాన భాషల్లో 5గురు ప్రముఖ సింగర్స్ పాడనున్నట్లు మేకర్స్ ఓ వీడియో ద్వారా తెలిపారు. హిందీలో విశాల్ దడ్లానీ.. కన్నడలో విజయ్ ప్రకాశ్.. మలయాళంలో రాహుల్ నంబియార్.. తెలుగులో శివమ్.. తమిళ్ లో బెన్నీ దయాల్ ఆలపించనున్నారు. ఈ చిత్రంలో అల్లు అర్జున్ లారీ డ్రైవర్ పుష్ప రాజ్ గా కనిపించనున్నాడు. బన్నీ సరసన రష్మిక మందన్న హీరోయిన్ గా నటిస్తుండగా.. మలయాళ స్టార్ హీరో ఫహిద్ ఫాజిల్ విలన్ గా కనిపించనున్నాడు.

Fallow disha cinema facebook page: https://www.facebook.com/Dishacinema