సీతమ్మతో రామయ్య.. బర్త్‌డే స్పెషల్

దిశ, సినిమా: బాలీవుడ్ బ్యూటీ కృతి సనన్.. క్రేజీ ప్రాజెక్టులతో బిజీగా ఉంది. ప్రస్తుతం తను లీడ్ రోల్‌లో నటించిన ‘మిమి’ సినిమా నెట్‌ఫ్లిక్స్‌లో స్ట్రీమ్ అవుతోంది. కాగా ఈ రోజు(మంగళవారం) బర్త్‌డే జరుపుకుంటున్న ఢిల్లీ భామ.. బాహుబలి స్టార్ ప్రభాస్‌తో స్క్రీన్ షేర్ చేసుకోబోతున్న సంగతి తెలిసిందే. రామాయణం ఆధారంగా తెరకెక్కుతున్న ‘ఆదిపురుష్’ సినిమాలో ప్రభాస్ రాముడిగా, కృతి సీతగా కనిపించనున్నారు. ఇక బర్త్‌డే సందర్భంగా కృతికి సోషల్ మీడియా నుంచి శుభాకాంక్షలు వెల్లువెత్తుతుండగా.. కో-స్టార్ ప్రభాస్ కూడా తనకు విషెస్ తెలియజేశాడు. ఈ మేరకు ఇన్‌స్టాగ్రామ్‌లో స్టన్నింగ్ పిక్ షేర్ చేసిన ప్రభాస్.. ‘మీరు సెట్‌లోకి తీసుకొచ్చే అట్మాస్పియర్ చాలా విలువైంది’ అంటూ హార్ట్ ఫెల్ట్ నోట్ పోస్ట్ చేశాడు.

ఓం రౌత్ డైరెక్ట్ చేస్తున్న పాన్ ఇండియా ఫిల్మ్‌లో సైఫ్ అలీఖాన్ రావణ్ క్యారెక్టర్ పోషిస్తున్నాడు. ఈ మేరకు ప్రభాస్‌తో ఇప్పటికే ఒక షెడ్యూల్ కంప్లీట్ చేసిన కృతి.. నెక్ట్స్ షెడ్యూల్‌లో సైఫ్‌తో కలిసి నటించనుంది. కాగా ఈ స్టార్ హీరోలు ఇద్దరివి డిఫరెంట్ పర్సనాలిటీస్ అయినా, ప్రేక్షకులను ఎంటర్‌టైన్ చేయడంలో ఎవరి స్టైల్ వారికి ఉంటుందని చెప్పింది కృతి.