షెడ్యూల్ ప్రకారమే పాదయాత్ర ముగిస్తా: Bandi Sanjay Kumar

దిశ, వెబ్‌డెస్క్: ముఖ్యమంత్రి కేసీఆర్, ఎమ్మెల్సీ కల్వకుంట్ల కవితపై బీజేపీ చీఫ్ బండి సంజయ్ తీవ్ర విమర్శలు చేశారు. బుధవారం కరీంనగర్‌లోని ఆయన నివాసంలో హౌజ్ అరెస్ట్ అయిన బండి సంజయ్, అక్కడ మీడియాతో మాట్లాడారు. లిక్కర్ స్కామ్ విషయాలు బయటపడుతాయని కేసీఆర్‌కు భయం పట్టుకున్నదని, అందుకే నా పాదయాత్రను అడ్డుకున్నారని ఎద్దేవా చేశారు. ఢిల్లీ మద్యం కుంభకోణం వ్యవహారంతో తనకు సంబంధం లేదని ఎమ్మెల్సీ కల్వకుంట్ల నిరూపించుకోవాలని సవాల్ విసిరారు. ఈ కుంభకోణం వ్యవహారం దేశాన్ని కుదిపేస్తుంటే ముఖ్యమంత్రి కేసీఆర్ ఎందుకు స్పందించడం లేదని ప్రశ్నించారు. ఎన్ని అడ్డంకులు సృష్టించిన షెడ్యూల్ ప్రకారమే పాదయాత్ర ముగించేస్తా.. ఈనెల 27న ముగింపు సభ పెట్టి తీరుతానని స్పష్టం చేశారు.